அர்ஜென்டினா இறுதிப்போட்டிக்கு முன்னேற்றம்!

நடப்பு உலக சாம்பியனான அர்ஜென்டினா அணி, 2026 உலகக் கோப்பை கால்பந்து தொடரின் இறுதிப்போட்டிக்குத் தகுதி பெற்றுள்ளது!

அமெரிக்காவின் அட்லாண்டா மைதானத்தில் நேற்று (15) நடைபெற்ற விறுவிறுப்பான அரையிறுதிப் போட்டியில், இங்கிலாந்து அணியை 2-1 என்ற கோல் கணக்கில் வீழ்த்தி அர்ஜென்டினா அபார வெற்றி பெற்றது. 68,000-க்கும் மேற்பட்ட ரசிகர்கள் முன்னிலையில் நடைபெற்ற இந்தப் போட்டியின் முதல் பாதி கோல் இன்றி சமநிலையில் இருந்தது.

ஆட்டத்தின் 55-வது நிமிடத்தில் இங்கிலாந்தின் அந்தோனி கோர்டன் முதல் கோலை அடித்து முன்னிலை பெற வைத்தார். இதற்குப் பதிலடியாக, 85-வது நிமிடத்தில் அர்ஜென்டினாவின் என்சோ பெர்னாண்டஸ் கோல் அடித்து ஆட்டத்தைச் சமன் செய்தார். தொடர்ந்து விறுவிறுப்பாக நகர்ந்த ஆட்டத்தின் கூடுதல் நேரத்தில் (92-வது நிமிடம்), லௌதாரோ மார்டினெஸ் அர்ஜென்டினாவின் வெற்றி கோலை அடித்து அணியை இறுதிப்போட்டிக்கு அழைத்துச் சென்றார்.

இதுவரை மூன்று முறை உலகக் கோப்பையை வென்றுள்ள அர்ஜென்டினா, தனது ஏழாவது இறுதிப்போட்டியில் நுழைகிறது. வரும் 20-ஆம் தேதி நியூயார்க்கின் நியூ ஜெர்சி மைதானத்தில் நடைபெறவுள்ள பிரம்மாண்டமான இறுதிப்போட்டியில், அர்ஜென்டினா – ஸ்பெயின் அணிகள் மோதவுள்ளன.

இந்தத் தொடரின் மூன்றாவது இடத்திற்கான போட்டி, பிரான்ஸ் மற்றும் இங்கிலாந்து அணிகளுக்கு இடையே எதிர்வரும் 19-ஆம் தேதி நடைபெற உள்ளது.