ஊழல் மற்றும் ஒழுங்கீனங்களை கட்டுப்படுத்த புதிய கிரிக்கெட் சட்டமூலம்

ஶ்ரீலங்கா கிரிக்கெட்டை மறுசீரமைப்பதற்காகத் தயாரிக்கப்பட்ட சட்டமூலத்தை வர்த்தமானியில் வெளியிட்டு பாராளுமன்றத்தில் சமர்ப்பிப்பதற்கு அமைச்சரவை அனுமதி வழங்கியுள்ளது. 

அதன் கட்டுப்பாடு, ஒழுங்குமுறைப்படுத்தல், மேம்பாடு, வளர்ச்சி மற்றும் நிர்வாகத்திற்காகவே இச்சட்ட மூலத்தின் பிரதான நோக்கமாகிறது. 

நல்லாட்சி, நேர்மை, வெளிப்படைத்தன்மை, பொறுப்புக்கூறல், அனைவரையும் உள்ளடக்குதல் மற்றும் சம வாய்ப்பளித்தல் ஆகிய கோட்பாடுகளின் கீழ் கிரிக்கெட் விளையாட்டின் வளர்ச்சிக்குத் தேவையான சட்ட ஏற்பாடுகளும் இதில் அடங்குகின்றன. 

மேலும், கிரிக்கெட் விளையாட்டுடன் தொடர்புடைய அனைத்துத் தரப்பினரதும் நலன்களைப் பாதுகாப்பதற்கும், ஊழல் மற்றும் பிற ஒழுங்கீனமான செயல்களிலிருந்து கிரிக்கெட்டைப் பாதுகாப்பதற்கும் தேவையான அதிகாரங்கள் மற்றும் பணிகளை இச்சட்டமூலம் மூலம் வரையறுக்க எதிர்பார்க்கப்படுகிறது. 

2026 ஜூன் 8 ஆம் திகதி நடைபெற்ற அமைச்சரவைக் கூட்டத்தில் ஶ்ரீலங்கா கிரிக்கெட்டை மறு சீரமைப்பதற்கான சட்டமூலத்தைத் தயாரிப்பதற்கு அனுமதி அளிக்கப்பட்டிருந்தது. 

அதற்கமைய, சட்ட வரைஞரால் தயாரிக்கப்பட்ட சட்டமூலத்திற்குச் சட்டமா அதிபரின் அனுமதியும் கிடைத்துள்ளது. 

இதனைத் தொடர்ந்து, குறித்த சட்டமூலத்தை அரசாங்க வர்த்தமானியில் வெளியிட்டு, பாராளுமன்ற அனுமதிக்காக சமர்ப்பிப்பதற்காக விளையாட்டுத்துறை அமைச்சர் சமர்ப்பித்த யோசனைக்கே அமைச்சரவை இவ்வாறு அனுமதி வழங்கியுள்ளது.