ஆப்கானிஸ்தான் அணி வெற்றி

2026 டி-20 உலகக் கிண்ணக் கிரிக்கெட் தொடரில் இன்று இடம்பெற்ற மற்றுமொரு போட்டியில் ஐக்கிய அரபு அமீரகம் அணியை 5 விக்கெட்டுக்களால் வீழ்த்தி ஆப்கானிஸ்தான் அணி வெற்றிப் பெற்றுள்ளது.

டெல்லியில் இடம்பெற்ற இப்போட்டியில் நாணயச் சுழற்சியில் வெற்றி பெற்ற ஆப்கானிஸ்தான் அணி முதலில் களத்தடுப்பில் ஈடுபட தீர்மானித்தது.

இதன்படி முதலில் துடுப்பெடுத்தாடிய ஐக்கிய அரபு அமீரகம் நிர்ணயிக்கப்பட்ட அணி 20 ஓவர்கள் நிறைவில் 09 விக்கெட்டுக்களை இழந்து 160 ஓட்டங்களை பெற்றுக் கொண்டது.

துடுப்பாட்டத்தில் ஐக்கிய அரபு அமீரகம் அணி சார்பில் சோஹைப் கான் 68 ஓட்டங்களை அதிகபட்சமாக பெற்றார்.

பந்து வீச்சில் ஆப்கானிஸ்தான் அணி சார்பில் அஸ்மதுல்லா உமர்சாய் 4 விக்கெட்டுகளை அதிகபட்சமாக வீழ்த்தினார்.

இதன்படி, 161 ஓட்டங்கள் என்ற வெற்றி இலக்கை நோக்கி பதிலுக்கு துடுப்பெடுத்தாடிய ஆப்கானிஸ்தான் அணி 19.2 ஓவர்களில் 5 விக்கெட்டுக்களை மாத்திரம் இழந்து வெற்றி இலக்கை அடைந்தது.

ஆப்கானிஸ்தான் அணி சார்பில் இப்ராஹிம் சத்ரான் அதிகபட்சமாக 53 ஓட்டங்களைப் பெற்றுக் கொண்டார்.

அதேபோல், அஸ்மதுல்லா உமர்சாய் ஆட்டமிழக்காது 40 ஓட்டங்களைப் பெற்றுக் கொண்டார்.

அஸ்மதுல்லா உமர்சாயின் பந்துவீச்சு (4 விக்கெட்டுகள்) மற்றும் இறுதிவரை ஆட்டமிழக்காமல் அவர் பெற்ற 40 ஓட்டங்கள் இப்போட்டியின் திருப்புமுனையாக அமைந்தமை குறிப்பிடத்தக்கது.