வியட்நாம் இரண்டாம் இடம், லாவோஸ் மூன்றாம் இடம்.

உலகப் பொருளாதார மன்றத்தினால் வெளியிடப்பட்டுள்ள 2026 ஆம் ஆண்டிற்கான சுற்றுலா மற்றும் சுற்றுலா வளர்ச்சி குறியீட்டுக்கு அமைய, 2024 முதல் 2026 வரையிலான காலப்பகுதியில் சுற்றுலா வளர்ச்சியில் அதிக முன்னேற்றத்தைக் காட்டிய உலகின் முன்னணி 10 நாடுகளுக்குள் இலங்கை இணைந்துள்ளது. 

குறித்த குறியீட்டின்படி இலங்கை 10 ஆவது இடத்தைப் பெற்றுள்ளதுடன், 2024 ஆம் ஆண்டுடன் ஒப்பிடுகையில் 2026 ஆம் ஆண்டில் இலங்கையின் சுற்றுலா மற்றும் சுற்றுலா வளர்ச்சிச் குறியீட்டு புள்ளிகள் 4.33% இனால் வளர்ச்சியடைந்துள்ளன. 

இதில் அல்பேனியா 7.0% குறியீட்டு புள்ளிகளுடன் முதலிடத்தைப் பிடித்துள்ளது. 

இதற்கு மேலதிகமாக, வியட்நாம் 6.3% குறியீட்டு புள்ளிகளுடனும், லாவோஸ் 6.1% குறியீட்டு புள்ளிகளுடனும் முறையே இரண்டாவது மற்றும் மூன்றாவது இடங்களைப் பெற்றுள்ளன.