மதுபோதையில் வாகனம் ஓட்டுவோருக்கு எதிரான சோதனைகள் தீவிரப்படுத்தப்பட்டுள்ளன.

நத்தார் மற்றும் புத்தாண்டு காலப்பகுதியில் வீதி போக்குவரத்து அதிகரிப்பதை முன்னிட்டு, மதுபோதையில் வாகனம் ஓட்டுவோரை கண்டறிவதற்கான நடவடிக்கைகளை பொலிஸார் தீவிரப்படுத்தியுள்ளனர்.

போக்குவரத்து மேலாண்மை மற்றும் வீதி பாதுகாப்பு பிரிவுக்கு பொறுப்பான பொலிஸ் துணை ஆய்வாளர் நாயகம் டபிள்யூ. பி. ஜே. சேனாதீர, அனைத்து பொலிஸ் பிரிவுகளிலும் போக்குவரத்து அதிகாரிகளுக்கு அமுலாக்கத்தை வலுப்படுத்த அறிவுறுத்தல்கள் பிறப்பிக்கப்பட்டுள்ளன என தெரிவித்தார்.

இந்த நடவடிக்கை, பண்டிகைக் காலத்திலும் புத்தாண்டின் தொடக்கத்திலும் வீதி பாதுகாப்பை உறுதிப்படுத்தும் நோக்கில் மேற்கொள்ளப்படுவதாக அவர் மேலும் குறிப்பிட்டுள்ளார்.