மீசைய முறுக்கு 2 அப்டேட் !

தமிழ் திரையுலகில் இசையமைப்பாளராகத் தன்னை அறிமுகப்படுத்திய “ஹிப் ஹாப் தமிழா ஆதி” தனது முதல் படமான மீசைய முறுக்கு மூலம் கதாநாயகன், இயக்குநர் என இரு வேடங்களிலும் இரசிகர்களிடம் நல்ல வரவேற்பைப் பெற்றார்.

திரைப்படம் கடந்த 2017 ஆம் ஆண்டு சுந்தர் சி தயாரிப்பில் வெளியானது. இப்படத்தில் ஆத்மிகா, விவேக், ஆர்ஜே விக்னேஷ்காந்த் மற்றும் விஜயலட்சுமி முக்கிய கதாப்பாத்திரத்தில் நடித்து இருந்தனர்.

கல்லூரி மாணவனின் கனவு, காதல், வாழ்க்கைப் போராட்டங்களை எளிமையாக சொல்லிய அந்த படம் இளைஞர்களிடம் மிகுந்த தாக்கத்தை ஏற்படுத்தியது.

இந்நிலையில், இப்படத்தின் இரண்டாம் பாகமாக மீசைய முறுக்கு 2 படத்தை ஹிப்ஹாப் ஆதி இயக்கவிருக்கிறார். கதை, திரைக்கதை, வசனம், பாடல்கள், இசை என அனைத்தையும் “ஹிப் ஹாப் ஆதி” மேற்கொள்கிறார்.

சுந்தர் சி – குஷ்பு ஆகியோர் முதல் பாகத்தை தயாரித்தது போலவே, மீசைய முறுக்கு 2 படத்தையும் தயாரிக்க உள்ளனர்.