வெளிநாட்டு துப்பாக்கி மற்றும் T-56 தோட்டாக்களுடன் சந்தேகநபர் கைது.

வெளிநாட்டில் தயாரிக்கப்பட்ட துப்பாக்கி ஒன்றும், அதற்கான தோட்டாக்கள் மற்றும் T-56 வகை 25 தோட்டாக்கள் உடன் ஒருவர் மினுவங்கொட பகுதியில் கைது செய்யப்பட்டுள்ளதாக பொலிஸார் தெரிவித்துள்ளனர்.

மேல் மாகாண வடக்கு குற்றப்பிரிவுக்கு கிடைத்த தகவலின் அடிப்படையிலேயே இந்த சோதனை நடவடிக்கை முன்னெடுக்கப்பட்டுள்ளது.

கைது செய்யப்பட்ட சந்தேகநபர் 43 வயதுடையவராகவும், ஹீனடியன – மினுவங்கொட பகுதியைச் சேர்ந்தவராகவும் பொலிஸார் தெரிவித்தனர்.

இந்த சம்பவம் தொடர்பாக மேல் மாகாண வடக்கு குற்றப்பிரிவு மேலதிக விசாரணைகளை மேற்கொண்டு வருகிறது.