மோட்டார் சைக்கிள் ஓட்டப் போட்டி – இளைஞர்கள் கைது.

பாணந்துறை வடக்கு போலீஸ் பிரிவினர், கடந்த இரவு பழைய காலி வீதியில் பொதுமக்களுக்கு இடையூறு விளைவிக்கும் வகையில் மோட்டார் சைக்கிள் ஓட்டப் போட்டியில் ஈடுபட்ட 7 இளைஞர்களை கைது செய்தனர்.

கைதுசெய்யப்பட்டவர்கள் மொரட்டுவ, எகொடை உயன மற்றும் பாணந்துறை பிரதேசங்களைச் சேர்ந்த 18–22 வயதுடைய இளைஞர்கள் ஆவதாக போலீசார் தெரிவித்தனர்.

சுற்றிவளைப்பின் போது, 4 மோட்டார் சைக்கிள்களும் கைப்பற்றப்பட்டுள்ளன, அவற்றின் சைலன்சர்கள் வெட்டப்பட்டிருந்தது மற்றும் ஓட்டப்போட்டிகளில் அடையாளம் காண்பதற்காக இலக்கமிடப்பட்டிருந்ததாக தெரிவிக்கப்பட்டுள்ளது.

சந்தேகநபர்கள் பாணந்துறை நீதிமன்றில் ஆஜராகவுள்ளனர்.போலீசார் மேலதிக விசாரணைகளை முன்னெடுத்து வருகின்றனர்.