செப்டம்பர் 28 நடைபெறவிருந்த மஹாபொல விழா புதிய திகதி அறிவிக்கப்படும் வரை ஒத்திவைப்பு.

2024/2025 கல்வியாண்டிற்கான மஹாபொல உதவித்தொகை வழங்கும் விழா, பிரதமரின் தலைமையில் இன்று (28) நடத்தப்படவிருந்த நிலையில் ஒத்திவைக்கப்பட்டுள்ளது.

இந்த விழா நடத்தப்படும் புதிய திகதி பின்னர் அறிவிக்கப்படும் என்று லலித் அத்துலத்முதலி மஹாபொல உயர்கல்வி உதவித்தொகை நிதியத்தின் உத்தியோகபூர்வ இணையதளத்தில் பதிவிடப்பட்டுள்ளது.

இதற்கிடையில், இந்த விழாவில் கலந்துகொள்ளாத பல்கலைக்கழக மாணவர்களுக்கு உதவித்தொகையை வழங்காமல் இருக்க அரசாங்கம் திட்டமிட்டுள்ளதாக எதிர்க்கட்சித் தலைவர் சஜித் பிரேமதாச குற்றம் சாட்டியுள்ளார்.

கேகாலை – கல்கமுவ பகுதியில் நேற்று (28) நடைபெற்ற மக்கள் சந்திப்பொன்றில் கலந்துகொண்டு உரையாற்றியபோதே அவர் இவ்வாறு குறிப்பிட்டுள்ளார்.