2001ஆம் ஆண்டு நடிகர்கள் விஜய், சூர்யா இணைந்து நடித்து வெளியான படம் ஃப்ரண்ட்ஸ்.

இப்படத்தில் தேவயானி, ராதாரவி, ரமேஷ் கண்ணா, வடிவேலு, சார்லி, ஸ்ரீமன், விஜயலட்சுமி, மதன் பாப், சரிதா உள்ளிட்ட பலரும் நடித்து இருந்தனர்.

மலையாள திரைப்படமான 'ஃப்ரண்ட்ஸ்" திரைப்படத்தை தழுவியே இப்படம் வெளிவந்தது. சித்திக்கின் கதை, திரைக்கதை, இயக்கத்திலும், கோகுல் கிருஷ்ணாவின் வசனத்திலும் வெளிவந்த இப்படம் இரசிகர்களிடையே வரவேற்பை பெற்றது.

இளையராஜாவின் இசையில் பாடல்கள் அனைத்தும் இரசிகர்களால் ரசிக்கப்பட்டது. அதிலும் வடிவேலுவின் காமெடி காட்சிகள் இன்றளவும் இரசிகர்களால் கொண்டாடப்படுகிறது.

இந்த நிலையில், 'ஃப்ரண்ட்ஸ்" திரைப்படம் மீண்டும் 4-கே டிஜிட்டல் முறையில் எதிர்வரும் 21ஆம் திகதி மீண்டும் வெளியாகவுள்ளதாக அண்மையில் அறிவிக்கப்பட்டது.

அந்த வகையில் 'ஃப்ரண்ட்ஸ்" படத்தின் புதிய மேம்பட்ட டிரெய்லர் வெளியிடப்பட்டுள்ளமை குறிப்பிடத்தக்கது.