நாமல் தொடர்பான யூடியூப் காணொளி – CIDயில் முறைப்பாடு.
பாராளுமன்ற உறுப்பினர் நாமல் ராஜபக்ஷ தனிப்பட்ட படுகொலையைத் திட்டமிட்டதாகக் கூறி சமூக ஊடகங்களில் தவறான செய்தி பரவியது தொடர்பாக குற்றப் புலனாய்வுத் திணைக்களத்தில் (CID) முறைப்பாடு அளிக்கப்பட்டுள்ளது.
ஊடகங்களுக்குப் பேசிய SLPP உறுப்பினர் ஒருவர், பாராளுமன்ற உறுப்பினர் நாமல் ராஜபக்ஷ பற்றிய தவறான தகவல்கள் யூடியூப்பில் பரப்பப்படுவதாகக் கூறினார்.
“எஸ்.எல்.பி.பி மீண்டும் ஆட்சியைப் பிடிக்க பாதாள உலக தொடர்புகளைப் பயன்படுத்தி, தற்போது தடுப்புக் காவலில் உள்ள ஒருவரைக் கொலை செய்ய நாமல் ராஜபக்ஷ திட்டமிட்டுள்ளதாக யூடியூப் சேனலில் பதிவிடப்படுகிறது. இந்தப் பொய்யான கூற்றுகளை நாங்கள் கடுமையாக மறுக்கிறோம்,” என்று அவர் கூறினார்.
இந்த யூடியூப் சனல் வெளிநாட்டில் இருந்து இயக்கப்படுவதாகவும், இது எஸ்.எல்.பி.பி மற்றும் அதன் உறுப்பினர்களை அவதூறு செய்யும் முயற்சி என்றும் எஸ்.எல்.பி.பி உறுப்பினர் மேலும் தெரிவித்துள்ளார்.
இந்த விவகாரம் குறித்து விரிவான விசாரணை நடத்தக் கோரி சிஐடியிடம் முறைப்பாடு அளிக்கப்பட்டுள்ளதாகவும் அவர் கூறினார்.