இலங்கை வந்து சேர்ந்தார் அமெரிக்க உதவி இராஜாங்கச் செயலாளர் போல் கபூர்!

தெற்கு மற்றும் மத்திய ஆசிய விவகாரங்களுக்கான அமெரிக்க உதவி இராஜாங்கச் செயலாளர் போல் கபூர், உத்தியோகப்பூர்வ விஜயமாக நேற்று (21) இரவு இலங்கை வந்தடைந்தார். வரும் 24-ஆம் திகதி வரை இலங்கையில் தங்கியிருக்கும் அவர், உயர்மட்ட அரச தலைவர்கள் மற்றும் வர்த்தகப் பிரமுகர்களைச் சந்தித்துக் கலந்துரையாடவுள்ளார். வர்த்தகம், முதலீடு மற்றும் கடல்சார் ஒத்துழைப்பை வலுப்படுத்துவதே இந்த விஜயத்தின் முக்கிய நோக்கம் என அமெரிக்கத் தூதரகம் தெரிவித்துள்ளது.