புத்தாண்டு விழா ஏற்பாட்டாளர்களுக்கு விசேட அறிவிப்பு வெளியீடு
தற்போது நிலவும் கடும் வெப்பமான காலநிலையினால் பாதிக்கப்படாத வகையில் புத்தாண்டு விளையாட்டுப் போட்டிகளை நடத்துமாறு விளையாட்டு மருத்துவ நிறுவனம் அறிவுறுத்தியுள்ளது.
புத்தாண்டு விளையாட்டுப் போட்டிகள் வெளிப்புற இடங்களில் நடத்தப்படுவதாயின், அவை திட்டமிடப்பட்ட முறையில் முன்னெடுக்கப்பட வேண்டும் என்று வைத்தியர்கள் சுட்டிக்காட்டுகின்றனர்.
புத்தாண்டை முன்னிட்டு பல இடங்களில் புத்தாண்டு விழாக்கள் உள்ளிட்ட விசேட விளையாட்டு நிகழ்வுகள் ஏற்பாடு செய்யப்படுகின்றன.
இருப்பினும், தற்போது நிலவும் கடும் வெப்பமான காலநிலை அதிக சோர்வை ஏற்படுத்தும் விளையாட்டுக்களுக்கு உகந்ததல்ல என்பதால், இது குறித்து மிகுந்த அவதானம் செலுத்துமாறு வைத்தியர்கள் பொதுமக்களைக் கேட்டுக்கொண்டுள்ளனர்.
வெயில் படக்கூடிய இடங்களில் நீண்ட நேரம் தங்கியிருக்காமல், நிழலான இடங்களில் அத்தகைய விளையாட்டுக்களைத் திட்டமிட்டு நடத்துமாறு புத்தாண்டு விழா ஏற்பாட்டாளர்களுக்கும் அறிவுறுத்தப்பட்டுள்ளது.