இலங்கையின் மிகப்பெரிய ஏற்றுமதி சந்தையான அமெரிக்காவில், இலங்கையிலிருந்து இறக்குமதி செய்யப்படும் பொருட்களுக்கு 10 சதவீத வரியைப் விதிக்க தீர்மானிக்கப்பட்டுள்ளதை இலங்கை ஏற்றுமதியாளர்கள் சங்கம் வரவேற்றுள்ளது.

முன்னர் முன்மொழியப்பட்ட அதிகளவிலான வரிகளுடன் ஒப்பிடுகையில் இந்த 10 சதவீத வரி விதிப்பானது கணிசமான சாதகமான மாற்றம் என்றும், இது ஏற்றுமதியாளர்களுக்கு நிச்சயத்தன்மையை வழங்கும் என்றும் சங்கம் தெரிவித்துள்ளது.

இந்த வரி விகிதம் காரணமாக பங்களாதேஷ், இந்தியா, பாகிஸ்தான், இந்தோனேசியா, மலேசியா மற்றும் கம்போடியா போன்ற முக்கிய போட்டியாளா்களுடன் இலங்கை சமமான நிலையை எட்டியுள்ளதாக சுட்டிக்காட்டப்பட்டுள்ளது.

குறிப்பாக ஆடைக் கைத்தொழில் போன்ற துறை சார்ந்த ஏற்றுமதிகளுக்கு இது மிகவும் முக்கியமானது எனத் தெரிவித்துள்ள இலங்கை ஏற்றுமதியாளர்கள் சங்கம், எதிர்காலத்தில் இரு நாடுகளுக்கும் இடையே முழுமையான இருதரப்பு வர்த்தக ஒப்பந்தத்தை மேற்கொள்ள அரசாங்கம் நடவடிக்கை எடுக்க வேண்டும் என்றும் கோரிக்கை விடுத்துள்ளது.