சர்வதேச கிரிக்கெட் சபை வெளியிட்டுள்ள புதிய 20 க்கு 20 துடுப்பாட்ட வீரர்கள் தரவரிசையில், இலங்கை ஆரம்ப துடுப்பாட்ட வீரர் பெத்தும் நிஸ்ஸங்க 3-வது இடத்திற்கு முன்னேறியுள்ளார்.

அவுஸ்திரேலியாவிற்கு எதிராக நேற்று முன்தினம் (16) நிறைவடைந்த போட்டியில் அவர் விளாசிய அபார சதத்தின் காரணமாக, 6-வது இடத்திலிருந்து இவ்வாறு முன்னிலை பெற்றுள்ளார்.

இப்பட்டியலில் இந்திய ஆரம்ப துடுப்பாட்ட வீரர் அபிஷேக் சர்மா முதலிடத்திலும், இங்கிலாந்து ஆரம்ப துடுப்பாட்ட வீரர் பில் சால்ட் இரண்டாவது இடத்திலும் உள்ளனர்.

எவ்வாறாயினும், பெத்தும் நிஸ்ஸங்கவைத் தவிர வேறு எந்த இலங்கைத் துடுப்பாட்ட வீரரும் முதல் பத்து இடங்களுக்குள் இடம்பெறவில்லை என்பது குறிப்பிடத்தக்கது.