ஜனாதிபதி அனுரகுமார திசாநாயக்க தலைமையில் இன்று ஞாயிற்றுக்கிழமை (12) பண்டாரவளையில் நடைபெறும் வீட்டுவசதி கையளிப்பு நிகழ்வு குறித்து அரசாங்கம் பொதுமக்களை தவறாக வழிநடத்துவதாக எதிர்க்கட்சி பாராளுமன்ற உறுப்பினர் ஜீவன் தொண்டமான் குற்றம் சாட்டியுள்ளார்.

தோட்டத் தொழிலாளர்களுக்கான வீடுகள் வழங்கப்படவில்லை என்றும், நிகழ்வில் உண்மையில் வீடுகள் ஒப்படைக்கப்படாது என்றும், அதன் பெயரிலே பயனாளிகளுக்கு சட்டப்பூர்வ உரிமை இல்லாத ஆவணம் மட்டுமே வழங்கப்படுவதாக பாராளுமன்ற உறுப்பினர் ஜீவன் தொண்டமான் தெரிவித்துள்ளார்.

இவ்வாறு வீடுகள் ஒப்படைக்கப்படுவதுபோல் விழா நடத்துவது அரசாங்கத்தின் நம்பிக்கையிழந்த நடவடிக்கையை மறைக்க முயற்சியாக இருக்கலாம் என்றும் அவர் அரசாங்கத்தை சாடியுள்ளார்.

2025 ஆம் ஆண்டில் தற்போதைய நிர்வாகம் வீடுகள் கட்டவோ, ஒப்படைக்கவோ செய்யவில்லை என்றும், முன்னாள் ஜனாதிபதி ரணில் விக்கிரமசிங்கவின் ஆட்சிக்காலத்திலான வீடுகளே தற்போது விநியோகிக்கப்படுகின்றன என்றும் தொண்டமான் சுட்டிக்காட்டியுள்ளார்.

இலங்கை மற்றும் இந்திய அரசாங்கங்களால் கூட்டாக செயல்படுத்தப்படும் 10,000 வீடுகளுக்கான இந்திய நிதியுதவி வீட்டுவசதி திட்டத்தின் நான்காவது கட்டத்தின் ஒரு பகுதியாக இந்த நிகழ்வு உள்ளது.

அரசாங்கத்தின் கூற்றுப்படி, தோட்ட சமூகத்தின் வாழ்க்கைத் தரத்தை உயர்த்தவும் அவர்களின் சமூக மற்றும் பொருளாதார அதிகாரமளிப்பை மேம்படுத்தவும் பயனாளிகளுக்கு 2,000 வீடுகளின் உரிமை வழங்கப்படும்.