ஜூன் 7–8: கடல்சார் சிவப்பு எச்சரிக்கை அமலில்.

ஜூன் 7 ஆம் திகதி காலை 6.30 மணி முதல் ஜூன் 8 ஆம் திகதி காலை 10.30 மணி வரை பலத்த காற்று மற்றும் கொந்தளிப்பான கடல் காலநிலை நிலவக்கூடும் என்பதால், அனர்த்த முகாமைத்துவ மத்திய நிலையம் இந்தச் சிவப்பு எச்சரிக்கையை விடுத்துள்ளது.

அத்துடன், கடற்றொழிலாளர்கள் மற்றும் கடற்படைச் சமூகத்தினர் உடனடி முன்னெச்சரிக்கை நடவடிக்கைகளை மேற்கொள்ளுமாறும் வலியுறுத்தப்பட்டுள்ளது.

இந்த எச்சரிக்கையின் பிரகாரம், காங்கசன்துறையிலிருந்து மன்னார் வழியாக கற்பிட்டி வரையிலான கடல் பகுதிகள், மணிக்கு 60 முதல் 70 கிலோமீட்டர் வேகத்தில் பலத்த காற்று வீசுவதால் அவ்வப்போது மிகவும் கொந்தளிப்பாகக் காணப்படும்.

இந்த அபாயகரமான சூழ்நிலை காரணமாக, மறு அறிவிப்பு வரும் வரை குறித்த கடற்ப் பகுதிகளுக்குள் செல்ல வேண்டாம் என கடற்படையினருக்கும் கடற்றொழிலாளர்களுக்கும் அதிகாரிகள் கடுமையாக அறிவுறுத்தியுள்ளனர்.

இதேவேளை, முல்லைத்தீவு வழியாக திருகோணமலை முதல் காங்கசன்துறை வரையிலும், கொழும்பு, காலி மற்றும் ஹம்பாந்தோட்டை வழியாக கற்பிட்டி முதல் பொத்துவில் வரையிலும் உள்ள கடற்பகுதிகளில், மணிக்கு 50 முதல் 60 கிலோமீட்டர் வேகத்தில் பலத்த காற்று வீசக்கூடும் என்பதால் அவ்வப்போது கடல் கொந்தளிப்பாக இருக்கும் என எதிர்பார்க்கப்படுகிறது.

மேலும், கொழும்பு, காலி மற்றும் ஹம்பாந்தோட்டை வழியாக மன்னார் முதல் பொத்துவில் வரையிலான கடல் பகுதிகளில் அலைகளின் உயரம் சுமார் 2.0 முதல் 2.5 மீட்டர் வரை அதிகரிக்கும் எனவும் எதிர்பார்க்கப்படுகிறது.

எனவே, கடற்படையினரும் கடற்றொழிலாளர்களும் விழிப்புடன் இருக்குமாறும், எதிர்கால முன்னறிவிப்புகளையும் எச்சரிக்கைகளையும் உன்னிப்பாகக் கண்காணிக்குமாறும் வானிலை ஆய்வுத் துறை வலியுறுத்தியுள்ளது. i need short captions