66 பிரதேசங்களில் குடும்பங்கள் பாதிப்பு

நாட்டில் அண்மைக்காலமாக நிலவி வரும் சீரற்ற காலநிலை காரணமாக நாடளாவிய ரீதியில் இதுவரை இருநூறு (200) வீடுகள் பகுதியளவில் சேதமடைந்துள்ளதாக அனர்த்த முகாமைத்துவ நிலையம் வெளியிட்டுள்ள அறிக்கையில் தெரிவிக்கப்பட்டுள்ளது.

பாதிக்கப்பட்ட மாவட்டங்களுக்கு இடையிலான ஒப்பீட்டின்படி, அதிகூடிய வீத சேதங்கள் களுத்துறை மாவட்டத்திலேயே பதிவாகியுள்ளன. அங்கு மாத்திரம் 90 வீடுகள் பகுதியளவில் சேதமடைந்துள்ளதாகத் தரவுகள் சுட்டிக்காட்டுகின்றன.

இதற்கு அடுத்தபடியாக மட்டக்களப்பு மற்றும் கம்பஹா மாவட்டங்களில் தலா 25 வீடுகளும், இரத்தினபுரி மாவட்டத்தில் 22 வீடுகளும், காலி மாவட்டத்தில் 14 வீடுகளும் சீரற்ற காலநிலையினால் சேதமடைந்துள்ளன.

மேலும், கொழும்பு மற்றும் மன்னார் மாவட்டங்களில் தலா ஐந்து வீடுகளும், மொனராகலை மற்றும் யாழ்ப்பாணம் மாவட்டங்களில் தலா நான்கு வீடுகளும், அனுராதபுரம், ஹம்பாந்தோட்டை மற்றும் திருகோணமலை ஆகிய மாவட்டங்களில் தலா இரண்டு வீடுகளும் இவ்வாறு பகுதியளவில் பாதிப்புக்குள்ளாகியுள்ளன.

இதேவேளை, இந்த மோசமான காலநிலை காரணமாக முழுமையாகச் சேதமடைந்த ஒரு வீடு மாத்திரம் பதிவாகியுள்ளதுடன், அந்தப் பாதிப்பு இரத்தினபுரி மாவட்டத்தில் நிகழ்ந்துள்ளதாக அனர்த்த முகாமைத்துவ நிலையம் உறுதிப்படுத்தியுள்ளது.

இந்தச் சீரற்ற காலநிலையின் ஒட்டுமொத்த தாக்கத்தினால் நாடளாவிய ரீதியில் உள்ள 66 பிரதேச செயலாளர் பிரிவுகளில் வாழும் 1,582 குடும்பங்களைச் சேர்ந்த 5,267 நபர்கள் ஒட்டுமொத்தமாகப் பாதிப்புக்குள்ளாகியுள்ளனர் என அந்த அறிக்கையில் மேலும் தெரிவிக்கப்பட்டுள்ளது.