உலக சந்தையில் தங்கத்தின் விலையில் குறிப்பிடத்தக்க சரிவு ஏற்பட்டுள்ளதாக வெளிநாட்டு ஊடகங்கள் செய்தி வெளியிட்டுள்ளன.

அமெரிக்க ஜனாதிபதி டொனால்ட் ட்ரம்ப் தங்கத்திற்கு வரி விலக்கு அளிக்கப்படும் என்று தெரிவித்ததை அடுத்து இந்தச் சரிவு ஏற்பட்டுள்ளதாக தெரிவிக்கப்பட்டுள்ளது.

ஆனாலும், சுவிட்சர்லாந்து மற்றும் பிற வர்த்தக சுத்திகரிப்பு மையங்களிலிருந்து அனுப்பப்பட்ட தங்கத்தின் விலைகள் கடந்த வியாழன் மற்றும் வெள்ளிக்கிழமைகளில் குறிப்பிடத்தக்க அளவில் அதிகரிப்பைப் பதிவு செய்திருந்ததாக தெரிவிக்கப்பட்டுள்ளன.

எனினும், ஒரு கிலோ மற்றும் 100 அவுன்ஸ் தங்கக் கட்டிகளை அமெரிக்கா, வரிகளுக்கு உட்பட்ட சுங்கக் குறியீட்டின் கீழ் வகைப்படுத்தும் என்ற காரணத்தினால் இந்த அதிகரிப்பைப் பதிவு செய்திருந்தமை குறிப்பிடத்தக்கது.