அமெரிக்க ஜனாதிபதி டொனால்ட் ட்ரம்ப், ரஷ்யாவிடமிருந்து எண்ணெய் வாங்குவதற்காக தற்போதைக்கு சீனாவுக்கு பதிலடி இல்லை என்று தெரிவித்துள்ளதாக சர்வதேச ஊடகங்கள் செய்தி வெளியிட்டுள்ளன.

எனினும் இரண்டு அல்லது மூன்று வாரத்தில் சீனாவுக்கு பதிலடி கொடுக்கப்படுவது உறுதி என ட்ரம்ப் குறிப்பிட்டுள்ளதாக தெரிவிக்கப்பட்டுள்ளது.

குறிப்பாக, சீனாவும் இந்தியாவும் ரஷ்யாவிடமிருந்து மிக அதிக அளவில் மசகு எண்ணெய் வாங்குகின்றன. அண்மையில் அதனைக் காரணங்காட்டி இந்தியாவுக்குக் கூடுதலாக 25 சதவீதம் வரியை ட்ரம்ப் விதித்தார்.

மேலும், அமெரிக்காவால் கடுமையான வரி விதிக்கப்பட்டால் சீனாவின் பொருளாதாரம் பாதிக்கப்படும். இந்நிலையில் சீனாவும் அமெரிக்காவும் வர்த்தக ஒப்பந்தம் குறித்துப் பேசி வருகின்றதாகவும் தெரிவிக்கப்பட்டுள்ளது.