கடந்த 2025 ஆம் ஆண்டு ஏப்ரல் 18 ஆம் திகதி தெலந்தஹேன பகுதியில் 34 வயதுடைய பெண் ஒருவர் கொலை செய்யப்பட்ட சம்பவம் தொடர்பில் தேடப்பட்டு வரும் சந்தேகநபரைக் கண்டறிய மதுகம பொலிஸார் பொதுமக்களின் உதவியைக் கோரியுள்ளனர்.

பாதிக்கப்பட்ட பெண் கூர்மையான ஆயுதத்தால் கழுத்தில் தாக்கப்பட்டு உயிரிழந்துள்ளார். முதற்கட்ட விசாரணைகளின்படி, சந்தேகநபர் பிரதேசத்தை விட்டுத் தப்பிச் சென்று தலைமறைவாகியுள்ளமை தெரியவந்துள்ளது.

சந்தேகநபர் தொடர்பான விபரங்கள்:

• பெயர்: புஹ்மனகே தென் சனத் ரவீந்திர நிலந்த (Buhmanage Den Sanath Ravinda Nilantha)

• முகவரி: இல. 78/01, இஹல கந்த, அகலவத்தை.

• தேசிய அடையாள அட்டை இலக்கம்: 840321401V

பொலிஸார் சந்தேகநபரின் புகைப்படங்களை வெளியிட்டுள்ளதுடன், அவர் தொடர்பான தகவல் தெரிந்தவர்கள் பின்வரும் தொலைபேசி இலக்கங்களுக்குத் தொடர்பு கொள்ளுமாறு கேட்டுக்கொண்டுள்ளனர்: 071-8591701 அல்லது 071-8594381.