மகளிர் மற்றும் சிறுவர் விவகார அமைச்சிற்கு புதிய சட்டங்களை அறிமுகப்படுத்தவும், சட்டங்களில் திருத்தங்களை மேற்கொள்ளவும் திட்டமிடப்பட்டுள்ளது. இது தொடர்பில் அமைச்சரவை முன்வைத்த யோசனைக்கு அமைச்சரவை அனுமதி வழங்கியுள்ளது.

இதற்கமைய,

சிறுவர்களுக்கு எதிரான சைபர் குற்றங்கள் தொடர்பில் புதிய சட்டமொன்றை அறிமுகப்படுத்தல்.

சிறுவர் உரிமை சட்டமாக ஐக்கிய நாடுகளின் சிறுவர் உரிமைகள் தொடர்பிலான கொள்கைகளை பின்பற்றும் வகையிலான புதிய சட்டத்தை அறிமுகப்படுத்தல்.

2005ம் ஆண்டின் 34ம் இலக்க வீட்டு வன்முறை தடுப்பு சட்டத்தை நீக்கி அதற்கு பதிலாக புதிய சட்டத்தை அறிமுகப்படுத்தல்.

உள்ளிட்ட மேலும் சில சட்ட திருத்தங்கள் மேற்கொள்ளப்படவுள்ளன.